اعرض عنه ,وعيشها فى ضنك

من طرف عاشقة الجنان السبت أكتوبر 01, 2011 6:34 pm

[b]اعرض عنه ,وعيشها فى ضنك

فكرت مرة في الآية اللى ربنا بيقول فيها ((وَمَنْ أَعْرَضَ عَنْ ذِكْرِي
فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى *
قَالَ
رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ
كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ
تُنسَى))[طه:124-126
طيب يلا نفكر فيها مع بعض ونتكلم من الواقع مش من الخيال تعالى نشوف صحبنا حزين والحوا...ر... اللى دار بينه وبين صحبنا سعيد
سعيد :السلام عليكم ورحمة الله وبراكاته
حزين: اهلا وسهلا
سعيد :اخبارك ايه؟
حزين :زفت كله زفت الدنيا دى مفيهاش حاجة تفرح وانت اخبارك ايه؟
سعيد : الحمد لله على كل حال,بس انت ليه زعلان كدة الدنيا لسة بخير
حزين : خير خير ايه ,قولي انت فين الخير لما تبقى ماشي رايح شغلك وتتاخر
علشان مفيش مواصلة توصلك وتاخدلك يومين جزى ,ولا الغلا اللى احنا فين
تلاقيها منين ولا منين دي العيشة بقت تقرف الواحد خلاص قرب ينتحر
سعيد :
لا اله الا الله ليه بس بتقول كدة كل ده علشان الحاجات البسيطة دى ,يا عم
ادعى ربنا بس وهو يحلها ,كله بامره ,وعسى ان تكرهوا شيئا وهو خيرا لكم

حزين: بقالى 15سنة بدعى ومفيش جديد حالى زى ما هو المرتب بيزيد ومعاه
الحاجات كل يوم بتغلى عن اللي قبله ,يا اخى ده المرتب مفيهوش بركة خالص
,الواحد خلاااااااااااااص جاب اخره
سعيد :ليه انت مرتبك كام يعنى
1000جنيه اقل ؟وان يكن ده غير كتيييييييييييييييييير مش لاقية تاكل تقول
عليهم ايه بقى وعايشين ومبسوطين وحمدين ربنا
حزين :انا مليش دعوة بحد انا ليا دعوة بنفسى كفاية عليا ولادى
وهنا يرفع الاذان لصلاة العصر
سعيد :نكمل بعدين يلا نصلى ونرجع
حزين: هه طيب هخلص الورقة دى والحقك
سعيد :يا عم يلا لايبارك الله فى عمل ينهى عن الصلاة
حزين :طب ما العمل عبادة ,روح وانا هحصلك
سعيد: خلاص برحتك انا هسبقك علشان الحق اتوضى قبل الاقامة
حزين: ماشي روح
اقيمت الصلاة وصلى سعيد ,وبعد ان انتهى نظر حوله فلم يجد حزين ,قال يمكن طلع قبليا اطل انا اكمل شغل
واذا بسعيد يجد حزين مكانه ولم يظهر عليه اثر الوضوء
سعيد: حزين انت مبتصليش صح؟
حزين: هه اه مش بصلى
سعيد :طيب ليه كدة؟
حزين: عادى يعنى اصلى ما اتعودتش اصلى من صغرى
سعيد :ايه اتعودت هيا الصلاة فيها تعود ,دى فرض يا ابنى
حزين :حزين ياعم الايمان والصلاة والحاجات دى كلها بينى وبين ربنا
سعيد :اكيد انا ماقلتش حاجة ,بس فى طاعات لازم تكون ظاهرة ليك او تؤديها
على طول بمعنى اصح يعنى ومنها الصلاة ,يا اخى ده رسولنا قال ما تصلى عليه
حزين: عليه الصلاة والسلام
سعيد :اذا رأيتم الرجل يعتاد المساجد فاشهدوا له بالإيمان ,ودى مرتبة اعلى
من الاسلام ازاى هتوصلها وانت مش بتصلى ولا بتقرب من ربنا وبعد ده كله
عمااااال تشكى هم الدنيا والفقر والموصلات والعيال واكيد الزوجة واما الى
ذلك من مشاااااااااااكل لاتعد ولالا تحصى ,وهى بالنسبة لاى شخص تانى قريب
من ربنا ولا حاجة لانها كلها بالنسبة له اختبار من ربنا او ابتلاء ,ما دمت
اعرضت عن طاعة ربنا لازم تكون حزين ( تسمع اغانى مش قرآن يزيد همك اكتر
واكتر ,تتفرج على مسلسل مش برنامج دعوى يزيد الهم حبة كمان,تقعد على القهوة
وتشيش ومفيش مسجد )وبعد ده كله عاوز تبقى سعيد وما تحملش هم الدنيا ليه يا
اخى ده المثل بيقول اللى ما يبصش من الغربال يبقى اعمى
وربنا سبحانه
وتعالى قال فى كتابه العزيز ((وَمَنْ أَعْرَضَ عَنْ ذِكْرِي فَإِنَّ لَهُ
مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ
لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ
آيَاتُنَا فَنَسِيتَهَا وَكَذَلِكَ الْيَوْمَ تُنسَى))[طه:124-126

اقولك تفسيره ببساطة هو انك كل لما بتبعد عن ربنا بتحس الحياة صعبة وكئيبة
ومملة مفيش فيها غير الهم والنكد .ده فى الدنيا يوم القيامة ليك عقاب كمان
اما لو قربت من ربنا هتعيش الحياة ببساطة ومش هتحس بنكد ولا تعب وده لانك
هترمى حمولك كلها على رب الكون الذى بيده ملكوت السموات والاض
واذا اراد شيئا فانما يقول له كن فيكون
ايه رئيك فى كلاااااااااامى بقى
حزين تصدق والله كلامك كله صح وانا اللى كنت مستغرب انت ليه ديما شايف
الدنيا بسيطة وكل هم بالنسبة لك هيعدى ببساطة ,باذن الله من النهاردة انا
قررت اقرب من ربنا ومش هشكى همى الا له شكرا يا سعيد يا اسم على مسمى,يلا
بقى احسن كدة خلاااااااص الوقت عدى وانا واقع من الجوع والتعب

ها عرفنا معنى الاية ولا لسة؟ ببساطة خالص
بقلمى :رحاب المصرى(عاشقة الجنان) انتظر تعليقاتكم
واتمنى ان ينال اعجابكم

من طرف عصام الشاعر السبت أكتوبر 01, 2011 8:19 pm

مقال حواري جميل جداً
أسأل الله أن يجعله في ميزان حسناتك
وحقاً..
السعادة كل السعادة في طاعة الله،
والضنك والحزن كله من آثار البعد عن طريق الله
ربنا يسعدكم جميعاً

اعرض عنه ,وعيشها فى ضنك

اعرض عنه ,وعيشها فى ضنك

رد: اعرض عنه ,وعيشها فى ضنك