مزهقتش من الروتين يلا معانا جرب تجدد حياتك

جدد حياتك .. مستني إيه ؟!




هبدأ معاك بداية غريبة بسؤال مباشر جداً :

يا ترى انت سعيد ؟

امممم

قبل ما تجاوب ... فكر شوية ، لو مستعجل ، يبقى يُفضل تكمل الموضوع في وقت تاني ..

فكر معايا قبل ما تجاوب ... وانت لوحدك منفرد بنفسك .. يا ترى انت سعيد ؟ راضي عن نفسك وعن حياتك ؟

كتير منا هيكون اجابتهم : لأ ، وقليل جدا هيجاوبوا : نعم .

كلامنا هنا للكتير .. اللي حاسين ان فيه حاجة غلط ... للي مش راضيين عن حياتهم .. تعالوا ندردش سوا ..





مممم

مش راضي عن نفسك ؟

طيب تفتكر انت ممكن تكون أحسن ...؟

أوعى تكون متشائم ، هتقولي الظروف كذا وكذا ، عارف ، بس مش هقتنع أبدا انك مش ممكن تبقى أحسن ، ومستعد أجيب ليك أمثلة من هنا لحد الصبح ( لو كنا بالليل ) أو من هنا لحد الليل ( لو كنا الصبح) .. اه تقدر تكون أحسن ، وتقدر تغير من نفسك ، وتقدر تجدد حياتك .

لسه مش مصدقني ؟

طيب .. تعرف ربنا قال إيه في الحديث عن مكر الانسان ؟

} وإن كان مكرهم لتزول منه الجبال } ( الرعد : 46 (

لأ ..

متعديش على الآية بعينك ، لحظة !! خلي بالك من الكلمة .. مكر الانسان يقدر يزيل الجبال ، وعلشان كده ابن القيم بيقول : لو أن رجلاً وقف أمام جبل وعزم على إزالته؛ لأزاله!

اوعى تستقل بنفسك ، أوعى تفكر يوم انك ضعيف أو فاشل أو مش هتقدر .. حتى لو كان الواقع بتاعك فيه مشاكل أو صعوبات أو انت مش راضي عنه .


ازاي الناس بتتغير ؟



الناس بتتغير بطريقة من اتنين ..

الأولى : لما يحصل حدث كبير يسبب التغيير ، واحد مثلا يموت والده ، يحصل ليه حادث عربية ، أو يسقط في الامتحان مثلا ، أو ممكن يكون حادث ايجابي ، انو مثلا يتزوج أو يسافر أو يلتحق بعمل جديد ... الخ

أما الطريقة الثانية : فهي ان الشخص يقرر انو يتغير فعلا ، لأنه مش راضي عن نفسه ..


هكون صريح معاك .. كلنا بنلعب على الطريقة الأولى ، كل واحد منا يبمني نفسه بالتغيير لما يحصل حدث معين : هتغير أول لما أخطب .. هبقى زي الألف ، انا بس أول لما أخلص الجامعة دي .. هبقى واد مفيش بعد كده ، أنا الحالة معايا جبس .. هجيب عقد وهسافر برة وهبقى كنج ، وهعمل كل اللي نفسي فيه وأبقى ناجح جدا ..


طيب يا ترى الطريقة الأولى بتنفع فعلا ؟

أكيد بتحصل ، وأكيد إحنا شفنا أو سمعنا عن ناس حصل معاهم كده ، بس هكون بردو صريح معاك .. الموضوع ده مش مضمون ..

عارف ليه ؟

علشان بيكون تغيير عاطفي.

واحد اتصدم بإن صديق ليه مات في حادثة ، يقوم يتوب ويرجع لربنا ويبقى ملتزم .. وبعدين الموضوع يهدا ، وكلها كام شهر وترجع ريما لعادتها القديمة إلا من رحم ربي ، أو واحد كان مستني حدث معين ، ولما حصل لقي نفسه بردو بيأجل وبيأجل قرار التغيير .. لحد ما يموت وهو لسه بيقول بكرة هتغير .. لما بس يحصل كذا وكذا ..

لكن التغيير اللي بيبقى بجد ، وبيجيب نتيجة كبيرة هو التغيير الواعي ، اللي أنا بقرره ، بقول هتغير ، وهغير من نفسي ، وهعمل كذا وكذا .

اه الموضوع بيبقى صعب .. بس لما بيحصل بيبقى بجد رهيب ، وممكن فعلا يزيل الجبال ، وهو ده اللي بنحاول نعمله سوا في الموضوع ده ، ويا ريت متضايقش لو لقيت إن المقال طويل شوية .


التغيير ممكن والنتايج مهولة .. هديك مثال..

كان أحد زنوج أمريكا صعلوكاً وفجأة أصبح مليونيراً يشار إليه بالبنان في مجتمع الأعمال ، وحين سئل عن العمل الذي جعله مليونيراً قال : لقد قمت بأمرين من قام بهما حقق ما يريد (بإذن الله) والأمران هما :
1 - قررت أن أكون مليونير (قرار جاد)
2- حاولت أن أكون مليونير (محاولة جادة)

خد قرارك الآن انك تتغير .. وبعد القرار الجاد ابدأ المحاولة ، وهتوصل ان شاء الله

هديك مثال تاني .. لواحد كان ...ممممممم

مش عارف أقولها ازاي

الراجل ده كان حمّار ، حاجة كده زي عربجي ، بس العربجي بيكون عنده حمار وعربية كارو ، ده كان بيشيل على الحمار بس !! تصدق انو قرر يبقى خليفة المسلمين ، وفعلا وصل لكده !!

مش مصدق ؟ طيب اقرأ معايا قصته :

كان ثلاثة من الشباب يعملون حمّارين – يحملون البضائع للناس من الأسواق إلى البيوت على الحمير – وفي ليلة من الليالي وبعد يوم من العمل الشاق , تناولوا طعام العشاء وجلس الثلاثة يتسامرون فقال أحدهم واسمه " محمد "
افترضا أني خليفة .. ماذا تتمنيا ؟ فقالا يا محمد إن هذا غير ممكن . فقال : افترضا جدلاً أني خليفة .. فقال أحدهم هذا محال وقال الآخر يا محمد أنت تصلح حمّار أما الخليفة فيختلف عنك كثيراً .. قال محمد قلت لكما افترضا جدلاً أني خليفة , وهام محمد في أحلام اليقظة . وتخيل نفسه على عرش الخلافة وقال لأحدهما : ماذا تتمنى أيها الرجل ؟
فقال : أريد حدائق غنّاء , وماذا بعد قال الرجل : إسطبلاً من الخيل , وماذا بعد , قال الرجل : أريد مائة جارية .. وماذا بعد أيها الرجل , قال مائة ألف دينار ذهب . ثم ماذا بعد , يكفي ذلك يا أمير المؤمنين . كل ذلك و محمد ابن أبي عامر يسبح في خياله الطموح ويرى نفسه على عرش الخلافة , ويسمع نفسه وهو يعطي العطاءات الكبيرة ويشعر بمشاعر السعادة وهو يعطي بعد أن كان يأخذ , وهو ينفق بعد أن كان يطلب , وهو يأمر بعد أن كان ينفذ وبينما هو كذلك التفت إلى صاحبه الآخر وقال : ماذا تريد أيها الرجل . فقال : يا محمد إنما أنت حمّار , والحمار لا يصلح أن يكون خليفة .....
فقال محمد : يا أخي افترض جدلاً أنني الخليفة ماذا تتمنى ؟ فقال الرجل أن تقع السماء على الأرض أيسر من وصولك إلى الخلافة , فقال محمد دعني من هذا كله ماذا تتمنى أيها الرجل , فقال الرجل : إسمع يا محمد إذا أصبحت خليفة فاجعلني على حمار ووجه وجهي إلى الوراء وأمر منادي يمشي معي في أزقة المدينة وينادي أيها النااااااا س ! أيها الناااااا س ! هذا دجال محتال من يمشي معه أو يحدثه أودعته السجن ...
وانتهى الحوار ونام الجميع ومع بزوغ الفجر استيقظ محمد وصلى صلاة الفجر وجلس يفكر .. صحيح الذي يعمل حمارا لن يصل إلى الخلافة , الشخص الذي يستمر دون تطوير لمهاراته بلا تحديد لأهدافه وطموحاته لن يتقدم بل يتقادم . فكر محمد كثيرا ما هي الخطوة الأولى للوصول إلى الهدف المنشود . توصل محمد إلى قناعة رائعة جداً وهي تحديد الخطوة الأولى حيث قرر أنه يجب بيع الحمار .
وفعلاً باع الحمار

وانطلق ابن أبي عامر بكل إصرار وجد . يبحث عن الطريق الموصل إلى الهدف . وقرر أن يعمل في الشرطة بكل جد ونشاط – تخيلوا .. أخواني ... أخواتي الجهد الذي كان يبذله محمد وهو حمار يبذله في عمله الجديد .. أعجب به الرؤساء والزملاء والناس وترقى في عمله حتى أصبح رئيساً لقسم الشرطة في الدولة الأموية في الأندلس .
ثم يموت الخليفة الأموي ويتولى الخلافة بعده ابنه هشام المؤيد بالله وعمره في ذلك الوقت عشر سنوات , وهل يمكن لهذا الطفل الصغير من إدارة شئون الدولة .
وأجمعوا على أن يجعلوا عليه وصياً ولكن خافوا أن يجعلوا عليه وصياً من بني أمية فيأخذ الملك منه .. فقرروا أن يكون مجموعة من الأوصياء من غير بني أمية , وتم الاختيار على محمد ابن أبي عامر وابن أبي غالب والمصحفي . وكان محمد ابن أبي عامر مقرب إلى صبح أم الخليفة واستطاع أن يمتلك ثقتها ووشى بالمصحفي عندها وأزيل المصحفي من الوصاية وزوج محمد ابنه بابنة ابن أبي غالب ثم أصبح بعد ذلك هو الوصي الوحيد ثم اتخذ مجموعة من القرارات ؛ فقرر أن الخليفة لا يخرج إلا بإذنه , وقرر انتقال شئون الحكم إلى قصره , وجيش الجيوش وفتح الأمصار واتسعت دولة بني أمية في عهده وحقق من الانتصارات ما لم يحققه خلفاء بني أمية في الأندلس . حتى اعتبر بعض المؤرخين أن تلك الفترة فترة انقطاع في الدولة الأموية , وسميت بالدولة العامرية . هكذا صنع الحاجب المنصور محمد ابن أبي عامر , واستطاع بتوكله على الله واستغلاله القدرات الكامنة التي منحه الله إياها أن يحقق أهدافه .

القصة لم تنتهي بعد ففي يوم من الأيام وبعد ثلاثين سنة من بيع الحمار والحاجب المنصور يعتلي عرش الخلافة وحوله الفقهاء والأمراء والعلماء .. تذكر صاحبيه الحمارين فأرسل أحد الجند وقال له : اذهب إلى مكان كذا فإذا وجدت رجلين صفتهما كذا وكذا فأتي بهما . أمرك سيدي ووصل الجندي ووجد الرجلين بنفس الصفة وفي نفس المكان ... العمل هو هو .. المقر هو هو .. المهارات هي هي .. بنفس العقلية حمار منذ ثلاثين سنة .. قال الجندي : إن أمير المؤمنين يطلبكما , أمير المؤمنين إننا لم نذنب . لم نفعل شيئاً .. ما جرمنا .. قال الجندي : أمرني أن آتي بكما . ووصلوا إلى القصر , دخلوا القصر نظرا إلى الخليفة .. قالا باستغراب إنه صاحبنا محمد ...

قال الحاجب المنصور : اعرفتماني ؟ قالا نعم يا أمير المؤمنين , ولكن نخشى أنك لم تعرفنا , قال : بل عرفتكما ثم نظر إلى الحاشية وقال : كنت أنا وهذين الرجلين سويا قبل ثلاثين سنة وكنا نعمل حمارين وفي ليلة من الليالي جلسنا نتسامر فقلت لهما إذا كنت خليفة فماذا تتمنيا ؟ فتمنيا ثم التفت إلى أحدهما وقال : ماذا تمنيت يا فلان ؟ قال الرجل حدائق غنّاء ,فقال الخليفة لك حديقة كذا وكذا . وماذا بعد قال الرجل : اسطبل من الخيل قال الخليفة لك ذلك وماذا بعد ؟ قال مائة جارية , قال الخليفة لك مائة من الجواري ثم ماذا ؟ قال الرجل مائة ألف دينار ذهب , قال : هو لك وماذا بعد ؟ قال الرجل كفى يا أمير المؤمنين .
قال الحاجب المنصور ولك راتب مقطوع - يعني بدون عمل – وتدخل عليّ بغير حجاب . ثم التفت إلى الآخر وقال له ماذا تمنيت ؟ قال الرجل اعفني يا أمير المؤمنين , قال : لا و الله حتى تخبرهم قال الرجل : الصحبة يا أمير المؤمنين , قال حتى تخبرهم . فقال الرجل :- قلت إن أصبحت خليفة فاجعلني على حمار واجعل وجهي إلى الوراء وأمر منادي ينادي في الناس أيها الناس هذا دجال محتال من يمشي معه أو يحدثه أودعته السجن .
قال الحاجب المنصور محمد ابن أبي عامر افعلوا به ما تمنى حتى يعلم ( أن الله على كل شيء قدير .. )


ممممم

ايه رأيك


ناوي تتغير


أخدت قرارك ؟


خلي بالك..!!

هتلاقي نفسك أحيانا مش مطاوعاك ، وهتلاقيك أحيانا بتنفر من التغيير وبتقاومه ..

تعرف ليه ؟

ممكن بسبب الخوف على مكاسب أو وضع انت فيه ومستقر عليه ، ممكن تكون أول خطوة في طريقك للتغيير انك تستقيل من شغلك ، أكيد حاجة مش بسيطة ، وأكيد ناس كتير هتتراجع عن قرار زي ده .

وممكن يكون السبب في مقاومة التغيير: الخوف من المجهول ، أو الخوف من الفشل ، أو الخوف على علاقتك ببعض الناس ، وانك ممكن تخسرهم أو تبعد عنهم لو بدأت طريقك للتغيير .


بقولك كده علشان تعرف بجد ان الطريق صعب في بدايته ، بس النتايج ان شاء الله كبيرة ..

كفاية بقى كلام ويلا نبدأ خطواتنا للتغيير واحدة بواحدة ..


خطواتك للتغيير :


1- الشعور بالألم :

متستغربش من كلامي ، فاكر لما سألتك في الأول إن كنت سعيد أو راضي عن نفسك ؟ هو ده اللي أقصده ، انك تشعر فعلا بالألم على الواقع بتاعك والوضع اللي انت فيه ، وتحس فعلا بضرورة انك تتغير ، وتبدأ صفحة جديدة في حياتك .. انت عارف نفسك وعارف ايه الغلط عندك ، وعارف حالك .. بعض من الألم سيفيد جدا ..بالزبط زي لما الجسم بيشعر بالألم لما تغزوه البكتيريا علشان ينبه صاحبه ان فيه حاجة غلط ، ولازم يروح للدكتور .


2- حدد هدفك :

اعرف انت عايش ليه ، عايز إيه ، إيه اللي انت عايز تسيبه وراك لما تحين اللحظة اللي هتترك فيها الحياة ، يعني عايز تتغير وتبقى إيه ..

فكر ، واحلم ، واوعى تقيد نفسك وخلي ليك هدف واضح وكبير ويستحق انك تعيش من أجله .


3- انت فين وهدفك فين :

فيه مسافة بين المكان اللي انت فيه ، والمكان اللي هدفك فيه ، اعرف المسافة دي وحددها وخليها مسافة معقولة ، اوعى تكون أكبر من اللازم فمتقدرش تقطعها ، واوعى تكون مسافة ضئيلة لا تستحق ..


4- إيه السبب:

اعرف السبب في وجود المسافة دي بينك وبين هدفك ، هل فيه معوقات ؟ هل فيه مهارات انت محتاجها ؟ هل فيه دراسة انت لازم تعدي بيها ؟ .. الخ


5- ابدأ الطريق:

ابدأ ، حول الطريق بين المكان اللي انت فيه والمكان اللي هدفك فيه إلى مشاريع ، خلي طريقك واضح مرسوم ، قول لنفسك هعمل كذا وبعدين كذا وبعدين كذا ..


6- مستني إيه ؟ نفذ فورا ..

رسمت المشاريع ، وحطيت خطتك وعرفت هدفك ؟

مستني ايه ، ابدأ العمل فورا ، ومتنساش من وقت لآخر تلقي نظرة على طريقك ..وتتأكد انك فعلا ماشي في الطريق الصح ، ومدخلتش في شارع جانبي ، أو نسيت نفسك ووقفت وسرحت على جانب الطريق ..

ممممم


إيه رأيك ؟

قررت تتغير .. وتجدد حياتك ؟


أتمنى ذلك ..



منقول للأفادة
--------------------------

اتمنى ان ينال رضاكم فى انتظار التعاليق