((منارة بلدنا ونافذة اسلامنا))
نسعد بك دائما ونتمنى منك المشاركة والتفاعل

لو سجلت قبل كده والرسالة ما وصلتش هتلاقيها على spam مشin box فى الرسائل الخاصة بإيميلك
قصائد الشاعر المتألق هشام الجخ ((2)) 422666914


انضم إلى المنتدى ، فالأمر سريع وسهل

((منارة بلدنا ونافذة اسلامنا))
نسعد بك دائما ونتمنى منك المشاركة والتفاعل

لو سجلت قبل كده والرسالة ما وصلتش هتلاقيها على spam مشin box فى الرسائل الخاصة بإيميلك
قصائد الشاعر المتألق هشام الجخ ((2)) 422666914
((منارة بلدنا ونافذة اسلامنا))
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
أفضل 10 أعضاء في هذا الشهر
لا يوجد مستخدم

المواضيع الأخيرة
» كلمة الدكتور اكرم الشاعر فى مجلس الشعب
قصائد الشاعر المتألق هشام الجخ ((2)) Emptyالأحد يناير 29, 2012 12:51 am من طرف عصام الشاعر

» ويموت فينا الانسان
قصائد الشاعر المتألق هشام الجخ ((2)) Emptyالسبت يناير 28, 2012 5:44 pm من طرف المهاجر

» ترتيب فرق الدورى الممتاز2011/2012
قصائد الشاعر المتألق هشام الجخ ((2)) Emptyالجمعة يناير 27, 2012 5:52 pm من طرف عاشق الحور

» مواعيد لقاءات دوري ابطال اوربا دور ال16
قصائد الشاعر المتألق هشام الجخ ((2)) Emptyالجمعة يناير 27, 2012 5:38 pm من طرف عاشق الحور

» الفرق بين الإسرائيلي و اليهودي و العبري و الصهيوني
قصائد الشاعر المتألق هشام الجخ ((2)) Emptyالجمعة يناير 27, 2012 4:41 pm من طرف عاشق الحور

» العريان والجزار في الجيزة: نثق في اختيارات الشعب
قصائد الشاعر المتألق هشام الجخ ((2)) Emptyالجمعة يناير 27, 2012 4:26 pm من طرف عاشق الحور

» نتيجة انتخابات مجلس الشعب للدائرة الثانية ( مركز الفيوم وطامية )
قصائد الشاعر المتألق هشام الجخ ((2)) Emptyالجمعة يناير 27, 2012 4:10 pm من طرف عاشق الحور

» الحاج سيد جبر تلقى شكاوى المواطنين بالعدوة
قصائد الشاعر المتألق هشام الجخ ((2)) Emptyالجمعة يناير 27, 2012 12:38 am من طرف عاشق الحور

» صور الاصدقاء في مسجد بلال
قصائد الشاعر المتألق هشام الجخ ((2)) Emptyالخميس يناير 26, 2012 7:45 pm من طرف مستر عماد حسين قطب

أفضل 10 أعضاء في هذا الأسبوع
لا يوجد مستخدم

احصائيات
هذا المنتدى يتوفر على 357 عُضو.
آخر عُضو مُسجل هو مروان فمرحباً به.

أعضاؤنا قدموا 6052 مساهمة في هذا المنتدى في 1458 موضوع

قصائد الشاعر المتألق هشام الجخ ((2))

3 مشترك

اذهب الى الأسفل

قصائد الشاعر المتألق هشام الجخ ((2)) Empty قصائد الشاعر المتألق هشام الجخ ((2))

مُساهمة من طرف لبيك ربي الأربعاء مارس 09, 2011 12:21 pm


سنة 67 صدرت الأوامر للقوات المسلحة بالإنسحاب
بدون خطة إنسحاب

فقط إنسحبوا !



إنحسبوووووا
كان اللاسلكي بعيد
والعسكري مسمعش
إنسحبوووووا
شوفوا العجب يا ولاد
العسكري مرجعش
إنسحبوووووا
أطرش ده ولا صنم
إرجع يا جندي بيادة

دخل العدو العريش إرجع خلاص بزيادة
العسكري سامع
لكنه واد مجدع

شال آربيجيهه وضحك " إشمعنى أنا اللي أرجع "
وقف الزمن مذهول ساعتين بيشاهد
الجندي قام كبر المدفع إتشاهد
الدبابات ظهرت " إرجع يا جندي نظام "
ده كان كلام القيادة وده بردو وقت كلام

وقف الولد ددبان
يا سادة يا سامعين
صادهم كما الدبان
محروس يا واد من العين
الدبابات صفين
إتفاجأوا وإفترقوا
على كتفه كان مدفع
وعلى الجبين عرقه
غطى العفار النار
ولا حد عاد شايف
والدبابات بتهل
وده بردو مش خايف
الضحكة على وشه
ما تقولش بيصيف
ولسه الزمن واقف
مبسوط ومتكيف
الدبابات كترت
والكترة غلابة
والقلب لو مؤمن
ولا ألف دبابة
هتقولوا مات الولد
أنا أقولكم لا .. عاش
ما الجنة ولا فيها موت

ولا تتدخل .. ببلاش



جحا

شعور سخيف

إنك تحس بإن وطنك شيء ضعيف

صوتك ضعيف

رأيك ضعيف



إنك تبيع قلبك وجسمك

وإنك تبيع قلمك وإسمك

ما يجيبوش حق الرغيف



سألوا جحا عن سر ضحكه

قالك أصل اتنين وشبكو

اللى كان من تحت ميت

واللى كان من فوق كفيف



دا شعور سخيف

وشعور سخيف

إنك تكون رمز الشحاتة

تبنى مبنى للشحاتة

تعمل وزراة للشحاتة



يا ساقية دورى ... عدى فوقى ودوسى

نصبوا عليا وشحتونى فلوسى

ربطونى فيكى .. حتى ما اتغميت

هما اللى فرحوا ووحدى أنا اتغميت



أنا اللى صاحب البيت

عايش بدون لازمة

ولما مرة شكيت

إدونى بالجزمة



أنا اللى زارعك دهب

بتأكلينى سباخ

إن كان دة تقل ودلع

بزيادة دلعك باخ

لا شفت فيكى هنا

ولا شفت فيكى ترف

كل اللى فيكى قرف



كرامتنا متهانة

واللقمة بإهانة

بتخلفينا ليه لما انتى كارهانا



يعنى ايه تبقى إنتى هبة النيل يا مزة

وكل يوم المية تقطع

يعنى ايه لما اشتكى غلو الفاتورة

يقولو تشكى بس تدفع



لما قش الرز ثروة بتتحرق

وأما نفط الأمة ثروة بتتسرق

وأما جلادك على ولادك بيبطش

وأما علمك ما يلاقيش يآكل فيطفش



يعنى ايه نرفع ايدينا بالسلام لجل الغزاة

ويعنى ايه لما ابقى ماشى فى حالى اتشد اشتباه

يعنى ايه لما اتحبس أربع سنين حبس احتياطى



يعنى ايه مش حاسة بالعمر وغلاوته

بتصبى مر العمر ليه

دة انا كنت ح اوهب لك حلاوته



أنا عمرى ما أتأمرت

ولا حطيت شروطى

ومكان ما ترسى مركبك

بابنى شطوطى

أنا كنت جيشك لما مماليلك باعوكى

وكنت يوسف لما عشتى سنين عجاف

وضلوعى دى اللى فى معركة قادش حموكى

وشفايفى دى اللى ما بطلتش فى يوم هتاف

دة انا كل شبر فى أرضك اتمرمغت فيه

وكل يوم عشتيه

أنا اتغذبت بيه



بتكرهينى عيونك السودة

وأيامى اللى فاتت

مانتيش حبيبيتى من النهاردة

حبيبنتى ماتت



علا صوت أدانك جرس

فى الشدة صاحينلك

من امتى كانوا الحرس

هما اللى باقينلك



بعتينى علشانهم

وعنيكى معصوبة

ياهلترى خاينة

ولا زيى مغصوبة



كل الكلام اتقال

والشعر بقى ماسخ

والصبر علو جبال

والظلم شىء راسخ

وطن وغرقان فى النطاعة

كل شىء ريحته نطاعة



علمونا بالعصاية

ورضعونا الخوف رضاعة

علمونا فى المدارس

يعنى ايه كلمة قيام

علمونا نخاف من الناظر

فيتمنع الكلام

علمونا ازاى نخاف

وازاى نكش

بس نسيوا يعلمونا الاحترام

فمتزعلوش

لما ابقى مش باسمع كلامكم

وماتزعلوش لما ابقى خارج عن النظام



مستنى ايه من طفل ربوه بالزعاق

غير المشاكل والخناق

كل اللى بيقولك بحبك دول نفاق

أنا لما قلت لك بحبك

كان نفاق



الحب يعنى اتين بيدوا

مش ايد بتبنى وستميت تيت تيت يهدو

الحب حالة

الحب مش شعر وقوالة

الحب يعنى براح فى قلب العاشقين للمعشوقين

يعنى الغلابة يناموا فى الليل دفيانين

الحب يعنى جواب لكل المسجونين

هما ليه بقوا مسجونين

يعنى أعيش علشان هدف

علشان رسالة

يعنى احس بقيمتى فيكى

إنى مش عايش عوالة



يعنى لما اعرق تكافئيى بعدالة

الحب حالة

الحب مش شعر وقوالة



الحب حاجة ما تتوجدش فى وسط ناس

بتجيب غداها من صناديق الزبالة



بارت مراعينا والبئر قد جفَ

والجوع يكوينا والصبر ما كّفى

والقلب لا يهدا والجرح لا يشفى

ولأننا طوع

زنا لهم خفا

جاءوا بموكبهم

واشتغلت الزفة



الدفة مظبوطة

وأصلا مافيش دفة

والكفة مش مايلة

علشان مافيش كفة



و جحا اللى جاى بالليل لساه بيتخفى

شايف ديدان الغيط سارحة ومارحماشى

من جبنه شاف الدود سابه وراح ماشى

ولا اتكسف للناس

ولا حس على طوله

الناس عشمها كبير جريوا بيشكوله

ضحك جحا ضحكة مواشى

مادام بعيد عن طينى ... ماشى



الدود قاعد لك يا جحا ولابد فى طينك

بعد ما يمص فى دمانا مش حيحلاله الا طينك



احنا اهلك

احنا رجالتك

أمانك

إحنا وقت الشدة سندك

إحنا زادك



يا جحا احمى ولادك

لو كنت عايز تحمى طينك


سوف أرحل

ربما يلقانى من ارجو لقاه


هامشى ويا الشحاتين

وابكى على حلمى اللى تاه

بس مش هاشحت رغيف

هاشحت وطن لله
لبيك ربي
لبيك ربي
المدير المؤقت
المدير المؤقت

عدد المساهمات : 445
نقاط : 711
تقدير هذا العضو : 0
تاريخ التسجيل : 24/10/2010
العمر : 35
الموقع : وعجلت اليك ربى لترضى

الرجوع الى أعلى الصفحة اذهب الى الأسفل

قصائد الشاعر المتألق هشام الجخ ((2)) Empty رد: قصائد الشاعر المتألق هشام الجخ ((2))

مُساهمة من طرف المهاجر الأربعاء مارس 09, 2011 12:47 pm

جميلة جدااااااااااااااا رائعة جزاك الله خيرا نجو المزيد
المهاجر
المهاجر
عدواوى ممتاز
عدواوى ممتاز

علم بلدى : مصر
عدد المساهمات : 395
نقاط : 620
تقدير هذا العضو : 1
تاريخ التسجيل : 21/01/2011
العمر : 49

الرجوع الى أعلى الصفحة اذهب الى الأسفل

قصائد الشاعر المتألق هشام الجخ ((2)) Empty رد: قصائد الشاعر المتألق هشام الجخ ((2))

مُساهمة من طرف عاشقة الجنان الأربعاء مارس 09, 2011 8:29 pm

بارك الله فيك
عاشقة الجنان
عاشقة الجنان
مشرفة ركن المراة
مشرفة ركن المراة

علم بلدى : مصر
عدد المساهمات : 688
نقاط : 947
تقدير هذا العضو : 0
تاريخ التسجيل : 17/12/2010
العمر : 33
الموقع : الفردوس الاعلى(باذن الله)

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى